Babel/Levels/ksh

Di Leßß hee beschriiv dat ungescheedlijje Shprooche_Weßße vun dä Babel-Sigg e beßje kloorer. De Nommere di_jonß saare, wat eijne kann, sin:

xxx-1 — Aanfangsweßße: Wä de Shprooch jood jenooch foshteijt, dat hä uß ennem Atikkel en dä Shproch jäd_eruß holle kann, dat hä dann en de eije Shprooch övver dat Teema schriieve kann, ävver wä en dä frembde Shprooch nix reschtesh zum Schriive beijdraare kann, dä jitt sesch de xxx-1 Shproochkäntneß. Kam_mer och bruche, wämme jraad aanjefange häd en Shprooche ze liehre, wo mer en äänlejje ald kann, wie_jenne Franzuß, dä jrad med Shpanesch aanfängk.

xxx-2 — Meddelmäßesch: Wä enß aan Atikelle en dä Shprooch medschriive kann, ävver sesch och öff nit sescher eß, dä nemmp dat. Mer weed koum de Shprooch jeleufesch künne, ävver de Teeme fun Atikkelle foschtonn un och divärse Eijnzelheijte. Och wäm sing Mottershprooch dat es un hädd_en schlääshte Ußbelldong, dä kann_et nämme. Et eß jedach för enne Schriiver med ööhnlesch Wööd em Kopp un ennem ööhnleje Forschtand fun de Jrammatek fun dä Shprooch.

xxx-3 — Joode Shtanndt: Wä sescher beijm Schriive eß, un em schlemmßte Fall doo ens e pa kleijn Fäälersche beij maache künnt, wo de Shproch besöndoß schwiieresch eß, dä wäält dat hee. Dä weet fö_jewöönlesch flössesch en dä Shprooch schwaade, un hä weed se och jenou_esu jood forshtonn, wann_e se hüürt.

xxx-4 — Bahl wi en Mottershprooch: Wä en dä Shprooch schriive kann, wi_jenne Minsch, dä med dä Shprooch opjewaaßen_eß un en dorschnettlijje Ußbelldong hät, dä kritt sesch dat he. Mer sullt jede Atikkel jröndlesch foschtonn künne, ußßer mer kütt fachlesch nit med. Wäm_mer alle Jubeljoohre enß jät nohschleijt, da_kütt_mer medd_ennem Wööterbooch en dä xxx-Shprooch zerrääsch.

xxx-5 — Ärbeijt domet: Dat Kennzeijsche eß för Lück di beroflesch med dä Shprooch öm am jonn sinn. Et paß, wän_De apselut zofoläßßesch saare kann, obb_enne Satz reschtesh opjeboud_eß, wann_De emmer de bäßte Ußdröck fö_jeede Jedangke fengkß, de täschnesche un de schönjeijßtejje Aat fun Shprooch drop häß, un esu wigger.

xxx — Mottoshprooch: Mer sullt di Shprooch en alle Sittewazjone em Alldaach bruche un se_d bess_em Jreff hann, och en dä Aate un Wiise, wi me_d_jewönlesch nit opschriive weed.; Dat heijs och wäm_mer med 6 Joohr fun do fottjetrokke eß wo mer xxx jeschwaadt hät, un dat_dann nieh widder jedonn hät, en de nöüje yyy-Ömjävong, do sullt_mer sesch med dä Mottoshprooch yyy enndraare, un nit med xxx, och wäm_me als_enne Panz nix wi xxx jekunnt hät.; Wä als_enne Äwaaßenne ömjetrokke eß, dä follesch singem Jefööl. Mer kann jo och mieh wi eijn Mottoshprooch hann.; Alleijn jenumme, deijt xxx et sellve Künne beschriive, wi xxx-4. Do woh dat nit paß, sullt_mer_et med xxx-3 oddor med xxx-5 zosamme bruche. Enne Mottershproochler, dä bloß med xxx-2 schriive kann, däijd_ed_bäß en Äklierong woröm, op sing Medmaacher_Sigk.